Mir sueched neui Mitglieder!!!

Tuesch gern fäste?

Häsch äs gern lustig?

Gahsch gern ad Fasnacht?

Häsch und machsch gern Musig?

Wotsch d Fasnacht mitere lässige Truppe,

kostümiert und gschminkt erläbe?

Wotsch dis verstaubte Instrument widär uusgrabe?

Oder wotsch äs Instrument lerne?

Wänn nur scho zwei Frage mit JA chasch beantworte bisch bi eus genau richtig!!!!

Gern würded mir dich kännelerne. Am 23. März 2012 hämer eusä Neugugger-Träff. Chum doch au!

Möchtisch du mal live Guggeluft während dä Fasnacht schnuppere? Als Fahneträger chöntsch eus mal äs Wucheänd oder än Tag begleite. S Kostüm und d Schminki warted nur no uf dich...

Natürlich gits au suscht no Glägeheite eus z träffe. Füll doch euses Kontaktformular us und mir tüend mit dir Kontakt ufnäh.