Am 22. März 2012 finded eusä Neugugger-Träff statt. Jedä isch iiglade wo gern mal wot i eusi Guggemusig ineschnuppere. Äs spielt kei Rolle ob scho äs Instrument chasch oder nöd. Di meiste vo eus händ ihres Instrument i dä Gugge glärnt und chönd nid mal Note läse.

Chum doch am 22. März 2012 ganz unverbindlich a euses Träffe. Am 20.00 Uhr erwarted mir dich i eusem Probelokal (Jugi). Mir werded äs paar Lieder spielä, zeiged dir eusi Instrument und du dörfsch alles mal usprobiere. Natürlich muen mer bi dä Bachtelspalter nöd verdurschte oder verhungere!!! Nachem musikalische Teil gits chli öpis gäge dä Hunger und dä Durscht.  

Tönt doch verlockend oder? Mir würded eus riesig freue, wänn mir dich dürfted begrüessä a däm Abig und villicht bald mit dir zäme, gschminkt und kostümiert di foifti Jahresziit chönted erläbe.

Fals no Frage ume sind, nimm doch eifach mit eus Kontakt uf. Gern gäbed mir dir Antwort.