Neus bi eus

Da chan mer nahläse was bi eus grad so passiert und aktuell isch...

Föteli Saison 2022

Ä geniali Saison liit hinder eus! Sie isch churz gsi, aber mir händ ä hammer Ziit mit eusere chline Truppe erläbt. Da häts au äs paar Föteli gäh. Da gahts zu de Bilder...

 

Häsch jetzt au grad luscht becho zum bi eus däbi sii und mit eus di nächsti Fasnacht z rocke? Dänn chum am 10. Mai 2022 a euse Neuguggerträff. Mir freued eus dich känne zlerne. Da findsch meh Infos...

Jubiläums-Homepage

40 Jahr Bachtelspalter! Das isch en guete Grund für ä Party!

Am Samstig, 26.11.2022 isch äs so wiit! 

Meh Infos findsch uf eusere Jubiläumshomepage.

Fasnacht 2022

Mir dörfed die Fasnacht äs paar wenigi Uftritt mache und mir freued eus mega druf! Chum doch au!

Wo bisch DU?

Mir sind immer uf de Suechi nach motivierte Lüüt wo gern möchted bi eus däbi sii. Äs Instrument mun mer nöd chöne, das chan mer bi eus lerne.

 

I eusne Schnupperprobe am 31.08. und 14.09.2021 chan mer go luege cho wie ä Prob ablauft.

 

Am 16.11.2021 findet dänn no en Neugugger-Träff statt. 

 

Mir würded eus über äs paar neui Gsichter sehr freue!

Neugugger-Grillplausch

Di nächsti Fasnacht chunt bestimmt und mir chönd nochli Unterstützig bruche! Chum a euse Grillplausch und lern eus känne. Meh Infos findsch da...

Und äs gaht wiiiiter.....
Euse Vorstand (v.l.n.r.): Antonia Odermatt (Kassiererin), Jenni Feucht (Aktuarin), Corinna Zangger (Präsidentin), Pirmin Silberer (Vize-Präsi), Schirin Friedli (Musikalisch Leiterin)
Euse Vorstand (v.l.n.r.): Antonia Odermatt (Kassiererin), Jenni Feucht (Aktuarin), Corinna Zangger (Präsidentin), Pirmin Silberer (Vize-Präsi), Schirin Friedli (Musikalisch Leiterin)

Am 27. Juni hämer endlich eusi GV chöne ha. Neu isch d Corinna Zangger eusi Präsidentin. Mir danked de Janine ganz herzlich für ihri Arbet i de letschte zwei Jahr.

 

Mit de Registerprobe hämer endlich chöne starte und sind scho fliessig euses neue Lied am üebe. Lönd eu überrascheeeeeee! 

 

Da mir euse Neugugger-Träff wäge Corona händ müese absäge, mached mir das Jahr äs paar Schnupperprobe. Mir freued eus uf ganz vieli Bsuecher und hoffentlich äs paar neui Mitglieder wo mit eus d Fasnachte 2021 rocke werded.

Neugugger-Träff wird verschobe

Wäge Corona wird euse Neugugger-Träff leider verschobe. Sobald mir meh wüssed gäbed mir s neue Datum bekannt.

 

Häsch du Interesse und möchtisch grad persönlich informiert werde das äs dänn sicher nöd verpassisch? Schick eus ä Nachricht via Facebook oder äs Mail uf info@bachtelspalter.ch

 

Bliibed gsund und hoffentlich bis bald.

Eui Bachtelspalter

Di erste Föteli und Videos sind online

Mir händ jetzt 4 mega hammermässigi Wucheänd hinder eus und äs gaht no wiiter. :-D Di erste Föteli und Videos hämer scho mal ufeglade. Viel Spass bim ahluege....

No zmitzt i dä Saison dänkemer scho a di nächst Fasnacht... Wotsch im 2016 däbi sii? Dänn chum a euse Neugugger-Träff.

Am 19. März 2015 isch euse Neugugger-Träff. Wär cool wänd würdsch verbii luege! 

Da findsch no meh Infos...

Water-Challenge / Auch wir waren dabei

Da mir vo dä Note-Furzer nominiert worde sind und bi eus nöd alli gern Fondue händ, hämer da natürlich au mitgmacht. 

 

Nominiere tüemer:

- Guggemusig Robehuuse

- Notentschalper Wallisellen

- FAKOHI Hinwil

 

Wänns äs nöd bis i 14 Täg mached, freuemer eus über än Grillabig. Jaaaa mer sind immerno verfrässe ;-)

Juuuuuuhuuuuiiii scho bald gahts looos!!!

Euse Toureplan isch online. Mir würded eus sehr freue dä eint oder di ander a eim vo eusne Uftritt oder Umzüg z'gseh.

 

Am Sunntig 2. März 2014 isch dä Chindermaskeball z'Hinwil im Hirschesaal wo mir s'Underhaltigsprogramm zäme stelläd. Also mir würded säge, dis oder dini Chind oder am bestä alli Nachberschind au no ines Prinzessine-, Pirate-, Chäferli- oder Cowboy-Kostüm stecke und am 13.00 Uhr in Hirschesaal cho. Mir freued eus uf eu!

Liebi Spalter-Fründe

Truurig nämed mir Abschied vo eusere Söne.

Mitglieder, Programm & Tourebricht

Vorallem bi dä Ämtli häts äs paar Änderige gäh, uf eusne Mitgliedersiitene gsehsch was gange isch. Was bald bi eus passiert findsch under Programm und äs paar neui Tourebricht häts au no zum läse.

Föteli, Videos & Tourebricht

Äs hät neui Föteli, Videos und Tourebricht gäh...

Schwarzi Liste

Mer händ di schwarzi Liste aktualisiert...

Föteli und Tourebricht

D Föteli wo dä jetzige Saison sind online. Au äs paar Tourebricht sind gschriebe worde. Lueg doch grad nah was mer so erlebt händ...

Bald gahts looooooooos

Am 19. Januar gaht endlich eusi Saison los. :-) Mer händ da no chli neus uf eusi Homepage ta. D Föteli vo eusem Jubi sind online, d Brichtli vo eusem Probeweekend sind au druf und alli Infos für euse Neugugger-Träff sind jetzt au ufgschaltet.

 

Mir zeiged eu au no was eusi Spalter-Ziitig isch. 

 

Viel Spass bim läse und hoffentlich bis bald a dä Fasnacht!

Neui Mitgliederbilder und s Programm sind online...

Mir sind bim Fotograf gsi und händ lässigi Bilder mit eusere neue Schminki gmacht! Vill Spass bim ahluege.

 

Euses Fasnachtsprogramm isch jetzt au sowiit online. Würd eus freuä dä eint oder di ander mal z träffe wärend eusere Tour!

Helfer Chilbi

Mir sueched no 2 Helfer wo eus gern würded a dä Hinwiler Chilbi unterstütze. Und zwar am Fritig 21.09.2012 vo 18.00-23.00 am Buffet.

Bitte mälde, mir würded eus seeeeeehr freuä!

D Mitgliedersiite isch aktualisiert

Uf dä Mitgliedersiite isch jetzt alles ufem neuste Stand. Au eusi neuä Mitglieder händ dä Wäg det anegfunde....

Zippy, Christine und Kurt mir freued eus sehr das ihr dä Wäg zu eus gfunde händ!

Schwarzi Liste

Uf dä schwarze Liste staht dank äm Kücken mal widär öpis neus... :-)

Mir bruched Dini Hilf!!!

Hilf eus ä Fahr mit em Party-Bus z gwünne...

 

Äs gaht ganz eifach:

Diä zwei Linkt ahklicke und scho gits für eus än Punkt. Mer chan au mehrmals drufklicke, äs git jedäs Mal en Punkt für eus.

 

www.fasnacht-bus.ch

www.party-bus.ch

 

Diä Gugge wo bis am 31.01.2013 diä meiste Klicks hät gwünnt ä Fahrt mitem Party-Bus.

 

Also loooooos klicked eu d Finger wund!!!!!!!

Föteli und Videos

Äs hät widär Föteli gäh und äs paar Videos. Vill Spass bim aaluege... Jetzt fähled nume no äs paar Tourebricht...

Bäretswil, Rapperswil und Hinwil...

Di erstä Föteli sind online und äs chömed no meh....


Öpis zum läse und luege....

Äs hät widär neui Tourebricht und Föteli gäh... Und mir freuäd eus uf s bevorstehendi Fasnachtswucheänd in Bäretswil und Rapperswil!!!

Jubiläums-Homepage

Eusi Jubiläums-Homepage isch jetzt online. Det wärded alli Infos über eusi Jubi-Party wo am 17.11.2012 im Saal vom Restaurant Hirsche in Hinwil statt finded priis gäh.

Föteli vo dä Mitglieder

Äs neus Kostüm heisst au neui Föteli uf dä Homepage. Bis uf zwei sind alli Bachtelspalter im neuä Gwand online. Diä wo no fähled chömed natürlich no. Gah doch mal go luege...

Dä Denis staht bsunders gern vor dä Kamera... Würd sich doch no guet mache als Topmodel?!? :-)

Tourebricht...

Di erste drüü Tourebricht sind ferig...

D Föteli vo eusem erste Fasnachtswucheänd sind online...

Mir sind am Samstig 21.01.2012 in Müllheim TG gsi und am Sunntig 22.01.2012 in Stein am Rhein. Det sind natürlich au äs paar Föteli entstande...

Jetzt gahts dänn loooos...

Di aller letschtä Vorbereitigä für d Fasnacht sind im Gang!!! Di letschtä Chnöpf wärded as neuä Kostüm gnähit, d Instrument werded no göölet, äs paar Schruube azoge und dänn simer parat! Juuuuuhui!!! Äs gaht ändlich los!!! Mir würded eus natürlich freuä dä eint oder ander mal zträffe. Da chunsch zu eusäm Fasnachtsprogramm...

Neugugger-Träff

Am 23. März 2012 finded widär eusä Neugugger-Träff statt. Über vill Bsuecher würded mir eus natürlich sehr freuä. Da findsch meh Infos...

D'Föteli vom Chlausabig sind online...

Am 10.12.2011 hämer eusä Chlausabig gha. Danke as Freiziitteam fürs organisierä!!! Isch mal widär genial gsi!!!

Da sind d Föteli vo däm lustige Abig. Dä Bricht chunt dänn no....

Dä Tourebricht vom Probeweekend isch online...

Dä sehr usfüehrilichi Bricht vo eusem Probeweekend wo d Jenni (Kücken) und d Edith gschriebä händ isch online. Da chönder nahläse was mir diä zwei Täg alles erläbt händ.

Bilder vom 11.11.2011 online

Äs paar Bilder vom 11.11.2011 sind online. Da gsehnder vorallem was mer a dä Gugge-Olympiade erläbt händ. Isch mega lustig gsi und d Herde isch sogar 3. worde. ;-)

Di neuste Bachtelspalter sind jetzt au online...

Mir dörfed bi eus 3 neui Mitglieder willkomme heisse und natürlich findeds äs Pätzli uf eusere Homepage under Mitglieder. Das wäred d'Söne (Pauke), d'Maffi (Trumpete) und d'Jenni (Posuune). Schön das ihr dä Wäg zu eus gfunde händ und mir freuäd eus uf ä super Fasnacht mit eu.

Mir händ euses Probeweekend hinder eus und Bilder sind online...

Mir sind 5. und 6. November z Hischwil im Probeweekend gsi. Äs isch streng gsi, aber au meeega lässig! Nomal ville herzliche Dank a alli für dä super Iisatz. Vorallem äs grosses Dankeschön as Chuchiteam, s Freiziitteam und a eusä Musikalischleiter dä Stefan.

Und ganz bsunders möchtemer eus bim Beat bedanke für sini grossi Hilf!!!

Da sind d Bilder vom Probewekeend...