Föteli 2015

Chlausabig 2015

07. & 11.11.2015

Probeweekend 2015

Stall Stiefel Race 2015

13. - 17.02.2015 /Hinwil

Friitig:

Dä Friitig hät agfange mit dä Gschänkübergab für dä Tony (Fakohi). Nachane häts en Uftritt im Hirschesaal und im Lenze in Steg gäh. Abgschlosse hämer dä Abig mitme Monsterkonzert im Hirschesaal. Entscheid vo däm Abig: Eusi musikalisch Leiterin bruucht ä lüüteri Pfiiffe!!! ;-)

Samstig:

Nachem Schminke isch äs losgange mitem chline Umzug vo dä Wiihaldestrass zum Dorfplatz. Als zweiti Gugge hämer dänn euse Uftritt gha. Am Schluss häts dänn natürlich no äs Monsterkonzert gäh. Dasmal händ sogar alli gfolget ;-) Zum sich stärche für dä Uftritt am Abig, simer is Pirates go mampfe.

Sunntig:

Am Sunntig händ sich 9 Bachtelspalter troffe zum ca. 80 Chind am Chindermaskeball z unterhalte. Tanze, Konfettischlacht, Bällön und Wienerli händ da natürlich nid dörfe fähle. Spontan hämer no i dä Bachtelspalterchliformation än chline Uftritt gmacht. Lässig isch äs gsi!

Zischtig:

Als erschts hämer im Restaurant Hirsche gspielt. Im Aaschluss hämer feini Wienerli und Pommes vom Hirschewirt gsponseret becho. Daaaaaanke viel mal!!!! Au a dä Uusböögete im Hirschesaal hämer dän no euses beschti gäh.

Und scho isch d Hinwiler Fasnacht wieder verbi gsi...

07. & 08.02.2015 / Egg, Näfels & Küssnacht am Rigi

Gschminkt und Kostümiert isch äs los gange mitem Chinderumzug in Egg. Nachem Monsterkonzert und emene Apéro isch äs wiiter gange uf Uznach, wos än feine zNacht gäh hät. Wänn die Bachtelspalter nume chönd ässe... ;-)

Mit vollne Mäge isch äs witer gange uf Näfels an Nachtumzug. Nachem Umzug hämer no i dä Halle gspielt, wo mer dänn s erste mal euses neue Lied presentiert händ. :-)

Am Sunntig isch nachem Schminke en riiiisige Car vorem Probelokal gstande. Mit eusem umkehrte Gloon-Auto isch äs dänn uf Küssnacht am Rigi gange. Isch en lässige Umzug gsi und s besti isch natürlich die meeeega feini Pizza nachane gsi. ;-) Hauptsach mer müend nid verhungere. ;-)

31.01. & 01.02.2015 / Eschenbach SG & Gossau SG

Nachem Schminke simer abgfahre uf Eschebach. Bevor dä Nachtumzug losgange isch häts Wienerli mit Herdöpfelsalat gäh. Trotz Schnee häts am Umzug viel Zueschauer gha und so isch äs für eus nur halb so schlimm gsi. Au während eusne zwei Uftritt häts gschneit, d Zueschauer sind dän lieber id Wärmi, aber mir händ trotzdem alles gäh.

Am Sunntig simer mitemene Büsli uf Gossau SG. Zum Glück simer viiiil zfrühe det gsi, so händ mir im einzige Restaurant wo offe gha hät, no Platz gha. Au wärend dem riesige Umzug häts gschneit. Mit Fleischchäs mit Brot (das isch glaub das Jahr voll im Trend) hämer eus gstärcht für euse Uftritt. Und wie chönts nid anderst sii.... Gschneit häts mal wieder....

Letscht Jahr hät eus s Wätter glaub eifach z fest verwöhnt....

24. & 25.01.2015 / Dielsdorf & Ried-Gibswil

Juuuuhuuuu endlich s erste Mal wieder Farb is Gsicht!!! Am Samstig isch äs zerst uf Dielsdorf gange, wo mer en Fakelumzug mit diverse Guggene gloffe sind und nachane zwei Uftritt für die Guggene gmacht händ. Viel anderi Lüüt häts leider nid gha. ;-) Nachane isch es wiiter gange uf Ried-Gibswil wo mer a dä Trychlerfasnacht nomal alles gäh händ.

Am Sunntig häts zum guete Glück wieder Schminki gäh. Dä eint oder ander isch so richtig froh gsi. Fröged mal d Presine ;-) Am Umzug z Dielsdorf, hämer dän doch no gseh, das äs det au no anderi Lüüt hät. Nachem Umzug häts Fleischchäs mit Brot gäh und äs paar Lieder vo eus i dä Verpflägigishalle. D Gruppene wo i Ruhe händ welä ässe, häts bestimmt gfreut. ;-)

S Monsterkonzert hämer "gschwäntzt" und mir sind wieder zrug is Probelokal. Det hämer natürlich nöd chöne "Nei" säge, wo mer um äs Foti bittet worde sind.

Chum doch au!

Wotsch au en Bachtelspalter wärde und mit eus di 5. Jahresziit mitgestalte und fiire?

Dänn nimm mit eus Kontakt uf oder chum a euse Neugugger-Träff

Mir freuäd eus uf dich!!!