Am Samstig, 14. April 2018 hämer eusi GV i dä Bachtelranch gha. Mir händ kei Ustritt und händ dörfe 7 Mitglieder offiziell im Verein ufnäh. Schön sinder däbi! Eusi Präsine Caro Spörri hät ihres Amt abgäh. D'Janine Hediger über nimmt das Amt. D'Toureplanerin Nadia von Euw hät ebefalls ihres Amt abgäh. Neu isch d'Corinna Zangger für euses Programm zueständig. Mir freued eus uf frische Wind und danked dä Caro und dä Nadia für ihri Arbet.
Nach dä GV hämer euses neue Kostüm bestumme. Darum erschiint jetzt eusi Homepage i neue Farbe. Aber ob das würklich di neue Farbe vo eusem Kostüm wäreded sii lömer no offe. Lönd eu überrasche... ;-)
Wotsch wüsse was mir so mached und wo mir ahzträffe sind? Euses Summerprogramm isch online. Wänn euse Neugugger-Träff das Jahr verpasst häsch, sind eusi Summerträff ä super Glägeheit zum eus känne lerne. Mir würded eus freue! Meld dich doch eifach...
